BUTUAN CITY- Gikustodiya na karun sa kapulisan sa Butuan City Police Station 1 human nasikop nga magti-ayon kansa nalambigit sa illegal investment scheme sa Butuan City.Naila ang mga suspetsado nga sila Samson Amores Jr  alyas “Beboy”, 53 anyos ug  Analita Amores, 46 anyos parehas residente sa Princess Homes 1, Brgy. Villa Kananga, ning syudad kansa wanted sa kasong estafa o swindling.

Sumala ni Police Brigadier General Romeo Caramat Jr, naaresto ang duruha pinaagi sa gahom sa Warrant of Arrest tungod sa paglapas sa  Revised Penal Code Article 315 nga gi-amyendahan pinaagi sa Presidential Decree 1689 nga dunay Criminal Case No. 2021-985 ng giisyo sa RTC Branch 2, Hall of Justice, Libertad, Butuan City penetsahan niadtong October 22, 2021, kondiin walay pyansa nga girekomenda.

Una niini si Samson ug Analita kansa nalista isip top 5 ug 6 most wanted persons sa BCPS1.Ang duha konektado ngadto sa KAPA Community Ministry International, kansa nalambigit usab sa Ponzi scheme, usa ka investment program nga naghanyag og impossible high returns ug mobayad sa mga investors gamit ang kwarta nga gihatag  sa mga nag unang investors nga mibiktima og milyunes ka mga Filipinos.

MAdumduman nga si KAPA founder, Joel A. Apolinario, uban ang lain pang 25 pa ka mga indibidwal ang naaresto niadtong Hulyo 21, 2020, sa usa ka hinterland sa lungsod sa Lingig, Surigao del Sur.Tungod niini giawhag sa hepe sa mga kapulisan ang katawhannga dili madani sa bisan unsang investment scheme nga nagsaad og taas nga kita, kansa layo lang sa kamatuoran buot pasabot usa kini ka scam.