BUTUAN CITY – Natusak-tusak sa mga bala ang patay’ng lawas sa magti-ayon Montes human gipamusil gawas mismo sa ilang pinuy-anan sa may Purok-7, Brgy. Maasin, Esperanza, Agusan del Sur kagahapon sa alas-dos sa hapon.

Naila ang mga biktimang sila Elber Alibo Montes, 42-anyos, ug Elvira Momar Montes, 51-anyos.  

Sigon ni Esperanza OIC Chief of Police Major Carmelo Malubay, ang kapulisan na sa Las Nieves, Agusan del Norte ang nag-relay kanila sa impormasyon kagahapon sa alas-4:40 sa hapon.  

Photo: CTTO

Sa ilang pagresponde, nasuta nga nahitabo kini niadto pang Sabado sa alas-6:30 sa gabii kansa wala’y nakasaksi tungod sa kalayo sa maong lugar ug wala pa sila’y silingan.

Mi-abot sa 18 ka mga basiyo sa kalibre .45 nga pistola uban sa usa ka slug sa susamang armas.

-- ADVERTISEMENT --

Padayon pa ang ilang imbestigasyon sa maong hitabo aron magukod ang mga responsable ug masuta ang motibo sa kremin.  

Narekober sa crime scene ang mga basiyo sa kalibre .45 nga pistola ug usa ka slug niini ug padayon pang gisuta sa kapulisan ang motibo ingon man responsable sa maong kremin tungod kay wala matud pa’y dautang record sa barangay ang mga biktima.