BUTUAN CITY- Napasakaan na og patung-patung nga kaso ang mga magparente nga New Peoples Army kon NPA nga nadakpan sa engkwentro sa militar sa Sitio Pan-ukan, Brgy Camboayon, Bacuag, Surigao del Norte ning nakalabay’ng adlaw.


Gipasakahan og kasong attempted murder, paglapas sa Republic Act 10591 kon Comprehensive Firearm and Ammunition Regulation Act ug paglapas sa RA 9516 kon Illegal Position of Explosive, sila Julito Madelo apil ang samarong si Benjie Destajo.

-- Advertising --

Sumala ni Police Lieutenant Charlon Montero, hepe sa kapulisan sa Bacuag, posibleng dili na makapyansa ang duha human ang tulo ka kasong gipasaka pinaagi sa inquest proceedings ngadto sa prosecution diin sa napasakahan ang mga napatay nga sila Richard Lampad ug Ronald Destajo.


Hustisya usab gihapon ang singgit sa mga kabanay ug suod nga higala sa mga napatay ug nadakpan tungod kay dili matod pa sila mga rebeldeng NPA kondili mga yano lamang nga mag-uuma nga nangopras niadtong tungora.

Una mibarog ang militar sa una nilang mga pamahayag nga NPA ang mga napatay ug nadakpan sa engkwentro.