BUTUAN CITY – Gikumpirma ni Bombo international correspondent Michael Garlan direkta gikan sa Austria nga sa pagkakaron, wala pa’y nakasulod nga kaso sa Omicron variant sa COVID-19 sa nasud nga iyang gitrabahuan.


Kini taliwa nga apil na sila sa mga nasud nga anaa na sa red list sa European Union, United Kingdom, ug Estados Unidos.


Sa ekskluksibong pakighinabi sa Bombo Radyo Butuan, gipadayag ni Garlan nga base sa pagtuon sa ilang mga pathologists, mudagan pa og usa ngadto sa duha ka semana adiser kini makasulod sa maong nasud ilabina nga duna na’y natalang kaso niini sa ilang mga silingang nasud sama sa Belgium ug Switzerland.


Aminado si Garlan nga kada-adlaw sukad gipatuman ang lockdown niadtong Nobyembre 22 nga mulungtad hangtud sa Disyembre 13, daghang mga kaso ang matala sa ilang nasud nga mu-average na og 7-mil gikan sa 15-mil kada-adlaw niadtong wala pa gipatuman ang lockdown nga tangtangon lang kung mukunhod na ang mga kaso sa coronavirus.

Ubos matud pa sa lockdown, wala’y tugutang makasulod sa Austria gikan sa ubang mga lagyong nasud tungod kay sirado ang ilang mga airports gawas lang niadtong mga silingan nilang nasud.

-- ADVERTISEMENT --


Tungod sa pagtumaw sa Omicron variant, gilusad na sa kagamhanan ang booster shots ilabina nga migawas sa pagtuon nga mas makatakod kini kumpara sa ubang mga variants sama sa Alpha, Delta ug Beta.


Mismong siya, kaganina pa lang natupukan sa iyang booster shot.

Base sa iyang kasinatian, mas makaayo ang pagpabakuna tungod kay lig-on ang immune system ilabina karong tingtugnaw na sa maong nasud diin kusog ang winter flu.