BUTUAN CITY- Sugdan na sugod ugmang adlawa Setyembre 13, ang bag-ohay lang nga gilunsad sa Land Trasportation & Franchising Regulatory Board kon LTFRB- Caraga nga libreng sakay alang sa mga naka skedyul nga magpabakuna dinhi sa syudad sa Butuan.

Kini isip suporta sa government effort sa mass vaccination ingun man ubos usab sa Service Contracting Program sa ahensya.

-- Advertising --

Ang maong programa mo-cater og mga residente kansa naka skedyul sa pagpabakuna gikan sa outermost barangays sa syudad ngadto sa upat ka mga identified vaccination centers.

Gilakipan usab kini sa upat ka mha kooperatiba uban sa 32 ka mga units nga maglibot sa unom ka mga ruta.

Ang gusto nga maka avail sa maong serbisyo kinahanglan lamang nga ipakita ang ilang text confirmation sa ilang vaccination schedule kon ang endorsement slip gikan sa hingtungdan nilang barangay adesir makasakay.

Sumala ni LTFRB Caraga OIC Regional Director Maria Kristina E. Cassion nga kung makab-ot sa dakbayan sa Butuan ang herd immunity pinaagi sa tabang sa maong programa sa paghatag Libreng sakay sa mga residente paingun sa vaccination centers mahimong duna kini maayong epekto sa kasikbit nga mga probinsya.

Samtang, sumala kang Dr. Antonio Medroso sa DOH, ang Libreng Sakay alang sa Magpa bakuna dili lamang makatabang aron mapauswag ang programa sa gobyerno aron makab-ot ang herd immunity kundi usa usab ka pagpauswag sa pamatasan sa mga tawo ilabi na ning panahon sa pandemya.

Tungod niini mapasalamaton ang LGU Butuan alang sa maong interbensyon sa ahensya ilabina nga karung panahona misaka ang kaso sa dakbayan ug puno na usab ang kapasidad sa ubang pampublikong hospital ingun man sa mga pribadong hospital.