BUTUAN CITY- Magpadayon hangtod karung adlawa ang gipahigayong libreng HIV counseling ug testing sa City Health Office ug Butuan Medical Center katambayayong ang mga stakeholders and partners.

Kini agig pagselebrar sa World AIDS Day kagahapong adlawa.

Ipahigayon ang maong counseling ug testing sa Robinson’s Place Butuan ug sa SM City Butuan asa pwede muadto ang mga indibidwal nga gusto makabalo sa ilang status.

Sa kasamtangan, miabot na sa 264 ka pasyente sa Butuan ang positibo sa HIV ug 250 ang nagsugod na pag tumar sa anti-retroviral drugs.

Sigon sa kadumalahan sa CHO ning syudad nga kung gustong masayran ang status kalabot sa maong sakit, mamahimo lamang nga muadto sa libreng testing ug counseling.

-- ADVERTISEMENT --

Kung mas sayo mahibal-an ang kaso, mas dali masugdan ang treatment sa usa ka indibidwal aron sa ingun nga dili na mu-grabi pa ingun man mapaambit usab sa uban ang kamaayo sa maong programa sa mga dunay susama niini nga klase sa sakit.