BUTUAN CITY- Gibutyag ni Atty Ernie Palanan ang Provincial Election Officer sa Surigao del Sur nga hapsay ang dagan sa katapusang adlaw sa Certificate of Candidacy kon COC withdrawal ug substitution sa ilang area.

Kini human nga plastar nang daan ang mga papeles nga gikinahanglan sa usa ka kandidato nga gikatakdang mohulip sa posisyon sa usa ka kandidatong mo-withdraw.

Sa pakighinabi ning sibyahan kang Atty Palanan, gibutyag pa niini nga muabot lamang sa 6 ka mga kandidato ang nag-withdraw ug nag-substitute kondiin duha niini ang alang sa pagka gobernador, 2 usab alang sa Bise-gobernador ingon 1 ang alang sa Representante ug 1 usab ang alang sa Sangguniang Panlalawigan kon SP position.

Alayon niini, duna usab matud pa’y mga kaso na nga gi-file nga mao ang “petition to declare nuisance candidate”; “petition to disqualify” ug “petition to deny due course to cancel COC” kondiin ang mga niini legal matud pa nga proseso nga pweding i-avail sa us aka kandidato kansa parte usab kini sa proseso gyud sa usa ka kandidato.

Apan sa karun pending pa matud kini sa comelec subject alang sa resolution.

-- ADVERTISEMENT --

Gani normal matud pa alang sa usa ka kandidato nga mangita matud pa og legal nga pamaagi ilabina kung dunay ma-disqualify, eliminate sa ilang kandidato o ba kaha sa kaatbang niini.

Ingon niini usab ang senaryo sa mga COMELEC offices ning siyudad sa Butuan ug lalawigan sa Agusan del Norte base na sa pagkumpirma nila election officers Atty. Samuel Rollo ug April Joy Balano.