BUTUAN CITY – Pulos yangungo ang gipasibaw sa mga motorista sa laing hugna na usab sa pagsaka sa presyo sa mga produktong petrolyo nga gipatuman ning adlawa.

Sigon sa motoristang si John Señeres, tungod sa kamahal na sa krudo, mas pilion na niyang mugamit og motorsiklo sa iyang pagbiyahe ilabina kung landong aron makadaginot. G

ibutyag niining ang 500-pesos kaniadto nga tubil niya mu-abot pa og duha ka adlaw apan karon, halos usa ka adlaw na lang.

Tungod sa dili na nila ma-antus nga kamahal sa presyo sa produktong petrolyo, natural lang matud pa nga mangita sila og mas bubarato.

Mas mipalag ang namasadang si Michael Labastida nga taga-Purok 1, Brgy. Doongan ning siyudad tungod kay daan nang hinay ang sakay tungod sa pandemya, nasamutan  pa sa pagmahal sa gasolina.

-- ADVERTISEMENT --

Ang iya matud pang kita, igo lang ipalit og bugas ug baratong sud-an ilabina nga 300-pesos ang iyang itubil kada-adlaw. Sama kang Señeres, adto usab siya magtubilan sa gasolinahang mas barato tungod kay ang uban tag-60 pesos na kapin ang kada-litro.

Samtang hangyo usab sa laing tricycle driver nga si Jojo Lacar nga taga-Brgy. Lumbocan nga unta tas-an na ang plitehan tungod kay igo lang sa pagpagasolina ang ilang kita ug masobrahan lang og gamay.

Mas maayo matud pang  himuon nng 15-pesos ang minimum nga plitehan sa sulod sa city limit.

Tungod matud pa sa sitwasyon karon nga ubanan pa sa kawala kaayo’y pasahero, mas daghan ang oras nila sa pag-relax aron dili masayang ang ilang gasolina sa paglibot-libot ning siyudad nga wala’y klarong kita.