BUTUAN CITY – Gi-turn over usab dinhi sa Bombo Radyo Butuan nila Josephine Gisugian nga taga-Pagatpatan ning syudad ug ni Wilson Duran nga taga-Brgy. Sibuyas, Golden Ribbon ning syudad sa ang radyong ilang nadawat gikan sa RMN nga tinuli lang sa ilang isitasyon ang dial.

Sumala ni Josephine, halos 3 ka tuig na sa ila ang tinuli nga radyong gihatag kanila nga maoy hinungdan nga wala na sila’y mapaminawang laing sibyahan sama sa Bombo Radyo o kaha mga FM stations.

Human nadunggan ang uban nga misurender sa ila usab nga nadawat nga radyo, paspas kining mianhi ning sibyahan ug nakadawat pa siya og 3-mil pesos nga pahalipay gikan ning sibyahan.

Samtang gibutyag usab ni Wilson Duran nga duha ka tuig na kaniya ang hinatag nga fixed dial radio sa kaparehong istasyun.

Dako ang iyang gibating kalipay sa pagdawat sa bag-ong rechargeable radio nga dili fixed dial uban sa P3,000 nga salaping cash.

-- ADVERTISEMENT --

Gi-awhag niini ang uban nga isurender na ang mga tinuling radyo aron gawasnon na nga makapaminaw ug makapili og mga programa sa mga radyo nga gusto niyang paminawan.