BUTUAN CITY – Nadugangan og  31 ka bag-ong kaso sa Covid-19 ang rehiyon sa Caraga. Kini gilangkuban sa 16 ka mga lalaki og 15 ang babaye diin 58 porsiento ang  nagpangedarong 21 ngadto sa 50-anyos.

Kini nagsumikad sa Nasipit, Agusan Del Norte nga dunay 1; 9 sa Agusan del Sur nga gilangkuban sa Loreto-5, Bunawan-2, og tag-usa sa lungsod sa San Francisco og Sta. Josefa; dunay 1 sa Tagbina, Surigao Del Sur; Bislig City-3; og Butuan  City-8. Ang bag-ong kaso ning siyudad nagsumikad sa Barangay Dagohoy og Doongan nga dunay tag-2 samtang tag-usa usab sa Lemon, Libertad, San Vicente og Taguibo.

Sa classification of cases, 22 ang local transmission diin 12 ang bag-ong local transmission, 7 ang dunay close contact sa kanhe positibo, 2 ang health case workers og 1 ang frontliner. Lakip sa bag-ong kaso ang dunay travel history sa mga lugar nga dunay kaso sa covid-19; 5 ang dunay close contact sa kanhe nagpositibo sa virus; og 3 ang health care workers.

Sa mga bag-ong kaso, 15 ang asymptomatic; 15 ang dunay mild symptoms og 1 ang severe.

 Samtang dunay nadugang nga 2 ka patay tungod sa Covid-19. Kini mao ang 82-anyos nga lalaking taga Butuan City kansa diabetic og dunay chronic kidney disease. Nakasinati og lisud nga pagginhawa og pagkaluya sa lawas niadtong Setyembre 28 og na-admit sa petsa 8 ning Oktubre apan namatay tungod sa kumplikasyon niadtong Oktubre 11.

-- ADVERTISEMENT --

Lakip na ang 80-anyos nga lalaking taga Surigao City kansa walay komorbidities apan gihilantan, giubo og dunay lisud nga pagginhawa niadtong Setyembre 23 og na-admit sa Okotubre 10 apan namatay tungod sa kumplikasyon.

Sa kasamtangan, ang kaso sa Covid-19 sa Caraga miabot na sa 1, 912 diin 1,191 ang nakarekober,644 ang aktibong kaso og 77 ang namatay.