BUTUAN CITY- Gipasigarbo karun sa han-ay sa kapulisan sa Surigao del Sur ang zero case   sa covid-19 ang ilang mga kawani.

Sumala ni P/Col. James Goforth, Provincial Director sa Surigao del Sur Police Provincial Office, nga wala na’y bisan usa nga kaso sa COVID-19 nga natala sa ilang hanay.Kini base na usab sa taho sa Department of health-Caraga.

-- Advertising --

Gibutyag pa ni Goforth nga dili na matud pa kini susama kaniadto nga halos anaa sa 15 hangtod 20 ang ihap sa mga matala nga confirmed cases sa kapulisan sa maong probinsya.

Usa sa nahimong hinungdan matud pa ang padyaon nga pagsunod nila sa minimum public health standards batok sa nasnagpit nga sakit ug ang pagdagsa sa mga nagpabakuna batok sa COVID-19.

Tungod niini, padayon ang panawagan sa opisyal sa publiko ng makig alyon sa tagsa-tagsa ka mga local government units ug magpabakuna gilayon aron mahatagan og  proteksyon kung ugaling mataptan sa maong virus.

Makatabang usab kini sa pagpabilin sa mas lu-ag nga Quarantine Status sa maong lalawigan tungod sa adunay ubos nga ihap sa kaso niini sa covid-19.