BUTUAN CITY– Walay natalang bisan unsang mga untoward incidents ang Butuan City Police Office (BCPO) sa pagsaulog sa Balangay Festival sa Butuan kagahapong adlawa.

Sumala ni PolMaj. Emmerson Alipit, tigpamaba sa BCPO sa pakighinabi sa Bombo Radyo Butuan, generally peaceful ang pagsa-ulog sa syudad sa Balangay Festival alayon na kapistahan sa patron nga si Sr. San Jose.

-- Advertising --

Mituman usab hinuon ang mga tawo sa mga panawagan sa kapulisan nga likayan ang mga panagtagpok ug mosunod sa usa ka metros nga physical distancing labi na sa mga dagkong simbahan.

Walay nahimong grand celebration ang dakbayan sa Butuan subay sa maong kapistahan tungod na usab sa padayong hulga sa COVID-19.

Alayon niini padayon ang panawagan sa han-ay sa katawhan nga mosunod sa health protocols nga gikantar aron malikayan ang pagdaghan pa sa kaso sa virus.