BUTUAN CITY – Gilubong gilayon ang mukabat sa 16 ka karton sa imported pork brisket bone nga mitimbang og 217.76 kilos human nakompiska sa National Meat Inspection Service kon NMIS-Caraga uban sa City Veterinarian’s Office kagahapong adlawa  kansa gikan pa sa Davao City.

Sumala ni Dra. Bernadeth Montenegro sa NMIS-Caraga sa pakighinabi sa Bombo Radyo Butuan, napugngan ang pagsulod sa maong kontrabando human ang gihimo nilang hugot nga pagsusi subay na hulgang dala sa African Swine Fever kondiin nakatala na og kontaminasyon ang lungsod sa Cortes, Surigao del Sur. 

-- Advertising --

Sigon sa opisyal, expired na ang maong mga produkto niadtong Enero ug Abril ning tuiga. 

Gipasalig usab sa doktora nga hugot ang pagtuman nila sa mandato aron magpabling luwas ang mga mapalit nga susamang produkto diha sa merkado ilabina nga ubay-ubay ang nangabot nga samang produkto ning nakalabay nga adlaw dinhi sa syudad.

Nagpahimango usab si Dr. Montenegro sa mga konsumidor nga kung mapalit og mga pagkaon labi na og mga processed food, batasanon ang paglantaw sa mga label niini labi na ang expiration date.