BUTUAN CITY – Special mention sa national address ni Pangulong Rodrigo Duterte kagabii si Butuan City, Nongnong Brgy. Kapitan Wilfredo ‘Dodo’ Membrillos kinsa apil sa listahan sa mga barangay kapitan nga gi-imbestigahan human gilambigit sa anomaluso matud pang pag-release sa Special Amelioration Program kon SAP.

photo: CTTO

Madumdumang daghan sa katawhan sa tibuok nasud ang nangreklamo ngadto sa Department of Interior and Local Government kon DILG human nga wala makadawat sa ilang bahin samtang ang uban nangreklamo tungod kay dili tibuok ang ilang nadawat nga gahin.

-- Advertising --

Sigon sa pangulo, hangtud karon, ilalom pa gihapon sa preventive suspension sulod sa unom ka buwan ang maong kapitan samtang nagpadayon ang imbestigasyon sa kaso ug kung mapamatud-an human sa hearing nga dili kini guilty, mahimong makalingawas kini sa posibleng ipahamtang nga silot apan kung mapamatud-ang sad-an, tangtangon kini sa serbisyo.