BUTUAN CITY – Gihukman og guilty sa Regional Trial Court Branch 39 si kanhi Radio Mindano Network kon RMN anchorman Roderick ‘Rod’ Tecson sa kasong cyber-libel nga gipasaka ni Dr. Rogelio M. Florete, ang chairman sa Florete group of companies.

Gihukman ni Judge Victorino Oliveros Maniba Jr. si Tecson nga mabilanggo og unom ka tuig ug bayran og 500-mil pesos nga damyos-perwisyos si Dr. Florete.

Madumdumang niadtong Agusto 18, 2014  dihang gipasaka sa government prosecutor ang kaso tungod sa pagguba ni Tecson sa kredibilidad ni Dr. Florete.  

Isip reaksyon, gipadayag ni Dr. Florete nga leksyon kini sa mga tigbalita nga magpataka lang og tira og mga maka-uulaw nga birada bisan wala’y saktong ebidensya.

Subay niini, gipadayag sa media mogul ug tag-iya sa Bombo Radyo Philippines, ang number 1radio network in the country, nga dili matud pa angayang abusaran sa mga media practitioners ang ilang trabaho, dili mudawat og kwarta bugti sa pagguba sa dungog sa usa ka tawo.

-- ADVERTISEMENT --

Aminado siyang kadaghanan sa mga anchorman nga anaa karon sa ubang mga radio networks sa tibuok nasud, naggikan sa Bombo Radyo apan mi-adaptar na sa kultura nga sukwahi sa ilang na-adopt sa network nga ilang gigikanan.