BUTUAN CITY – Nakuha sa mga tropa sa 23rd Infantry Brigade, Philippine Army ang usa ka temporary hideout sa mga rebeldeng New People’s Army kon NPA sa Sitio Bugta, Barangay Guinabsan, Buenavista, Agusan del Norte.

Kini human ang engkwentro nila tali sa mga nahabilin na lang nga mga membro sa nabungkag nang Guerilla Front 4A, North Central Mindanao Regional Committee (NCMRC) nga gipangunahan ni Jelan Pinakilid alyas ka Baking.

Human ang 5-muinutos nga engkwentro tali sa gibana-banang 10 ka mga rebeldeng NPA, narekober sa militar ang nabiyaan sa mga kaaway nga lima ka  AK47 magazines ug mga buhing balay, usa ka Anti-Personnel Mine ug walo ka sako sa mga assorted supplies. 

Photo: CTTO

Ang operasyon kabahin sa ‘No Let-Up’ campaign sa 4th Infantry ‘Diamond’ Division batuk sa Communist Party of the Philippines-New People’s Army-National Democratic Front kon CPP-NPA-NDF.

Wala’y napagan sa panig sa gobyerno ug gisuta pa ang sa panig sa walhong grupo.

-- ADVERTISEMENT --