BUTUAN CITY – Opisyal nang nanumpa isip ika-46 pangulo sa Estados Unidos si Joe Biden insaktong alas-dose sa udto, US time sa West Front sa Capitol nga mao ang na-andang lokasyon ug gipangunahan ni Supreme Court Chief Justice John Roberts.

Sa edad nga 78-anyos, si Biden ang pinaka-edarang muingkod nga presidente sa Amerika ug siya usab ang ikaduhang pangulo sa Estados Unidos nga usa ka Katoliko, sunod kang  John F. Kennedy. 

-- Advertising --
Photo: CTTO

Kini nga higayon taud-taud nga gipa-abot sa bag-ong pangulo sukad siya nakasulod sa Capitol pagka-senador gikan sa Delaware niadtong tuig 1972 kondiin pakyas siya pagdaog dihang midagan pagka-presidente sa duha ka higayon niadtong tuig 1987 ug 2008 – adiser nahimong bise-presidente ni Barack Obama. 

Gani bisan sa iyang pinaka-ulahing kampanya, duna’y mga higayon kaniadto nga gidudahan pang posibleng dili siya mahimong Democratic nominee. 

Sa iyang inaugural address gisaysay ni Biden ang dakong hagit nga atubangon karon sa iyang administrasyon ilabina ang kadaot nga nahatod sa COVID-19 pand,emic, kaylap nga tawong nawad-an og mga trabaho, bahad ug hulga sa kinaiyahan ug nanawagan usab kini og racial justice, ingon man ang subling pagbuhi sa political extremism.

Gikatakdang maglatag usab si Biden og listahan alang sa mga solusyon sa nasangpit nga mga hagit, apan sa iyang pinaka-unang pagpamulong isip presidente, iyang gihanyag ug gipanawagan ngadto sa iyang mga ginsakupan ang kahi-usahan.

Gihatagan og gibug-aton ni  Biden nga kung walay paghiusa, walay kalinaw ug alugtgot ug kapungot lamang ang mupatigbabaw dungan sa pagdayag nga kini na ang ilang  historic moment. Nanawagan usab si Biden og paghiusa ingon man respeto ug gikondena ang nahitabong kagubot sa US Capitol niadtong Enero 6 ug subling gipadayag nga kinahanglang ang paghi-usa alang sa pagbalik sa pagka-bantog sa ilang nasud isip usa sa mga pinakagamhanan nasud sa kalibutan . 

Gipangunahan ni  Rev. Fr. Leo O Donovan usa ka Hiswetang pari ug kanhi nagdumala sa Georgetown University ang pag-deliver sa invocation.

Si Andrea Hall kinsa pinaka-unang babae nga firefighter nga nahimong kapitan sa George Fire Rescue Department sa Georgia kinsa maoy nag-recite sa Pledge of Allegiance. Si Lady Gaga usab ang mikanta sa national anthem samtang gipangunahanni Rev Fr. Sylvester Beamen ang pag-deliver sa vindication.

Unang nanumpa si Kamala Harris isip pinaka-unahang babaeng bise presidente sa Estados Unidos atubangan kang Supreme Court Justice Sonia Sotomayor. Nanumpa si Harris sa bibliyang gipanag-iyahan ni kanhi Supreme Court Chief Justice Thurgood Marshall, ang unang Black member sa US high court.