BUTUAN CITY-Nagpagawas og advisory ang Department of Health kon DOH-Caraga  kagabii alang sa tanang mga munisipyo ug syudad sa Agusan del Norte nga nagpahibalong ang mga nahabilin nga Janssen vaccines eksklusibo lamang nga unang itupok sa mga anaa sa A2 category o mga SENIOR CITIZENS.

Kini gumikan kay ang kasagarang namatay human na-igo sa coronavirus, mga senior citizens man. Sumala sa DOH, kinahanglan nga makab-ot ang gitinguha nilang 90% hangtud 95% nga coverage sa mga senior citizens.

-- Advertising --

Alayon niini, gipahibalo usab sa Cabadbaran City government ngadto sa mga naka-skedyul nga bakunahan karong adlawa nga dili apil sa A2 nga dili pa sila makadawat og Janseen vaccines tungod sa maong advisory.

Apan aduna gihapoy mahitabong pagpamakuna gamit ang Sinovac vaccine sa  may Tennis Court sa Poblacion 5. Tungod niini, mi-apela og pagsabot ang lokal nga kagamhanan ilabina niadtong mga dili A2 kansa naglaum nga matupukan sa Janssen vaccine.

Kini isip pagtamod sa mga nahitabo karung panahona nga kinahanglang iparaturidad kadtong dunay dakong risgo sa nga makabsan sa kinabuhi.