BUTUAN CITY – Blangko pa gihapon hangtud karon ang pamilya Paniamogan kung kinsa ang mibungkag og mikaon sa ulo sa binuhing iro kagabii tungod kay maayo mang pagka-abhak sa ulo niini ug nabali pa ang mga tiil sa una ug ulahing parte niini.

Sa eksklusibong interview sa Bombo Radyo Butuan, gibutyag ni Junmark Paniamogan nga gipukaw na lang siya sa iyang asawa tungod kay duna’y gipaghot ang ilang iro sa makadiyot ng gisundan ug gisundan sa daw duna’y gihangkab ug gikaon nga madunggan pang apil sa gikaon ang bukog.

-- Advertising --

Gitu-uhan pa nilang nakapatay og iring ang ilang iro nga posibleng gikaon niini rason nga dako na lang ang ilang kakurat dihang nakita nilang ang ilang iro diay ang biktima.

Dakong pangutana nila karon kung kinsa ug unsa nga klase sa binuhat ang mihimo niini sa ilang binuhi.