BUTUAN CITY – Gisugdan na sa Environment and Management Bureau kon EMB-Central Office sa Department of Environment and Natural Resources kon DENR ang imbestigasyon sa shipment sa “calcium magnesium phosphate kon CMP inorganic fertilizer nga naka-abot sa lungsod sa Carrascal, Surigao del Sur og gihimong inadlaw nga alternative cover sa landfill sa may Brgy. Bon-ot sa maong lungsod.

Kini human gihingusgan ni Surigao del Sur Rep. Prospero Pichay nga mga basura ug dili fertilizer ang balor 44-milyunes kilos nga CMP inorganic fertilizer, kansa gikan sa South Korea rason nga iya kining gipa-imbestigahan.

-- Advertising --

Nasayran sa inisyal nilang imbestigasyon nga mi-abot sa maong lungsod ang gika-ingong fertilizer niadtong Hunyo ning tuiga kansa gipalit sa consignee nga Nano-Platanos Corp nga nakabase sa Cebu sa kantidad nga 33-milyunes pesos ug gidonar ngadto sa lungsod sa Carrascal. 

Photo: CTTO

Una nang ginegar sa usa ka local environment officer nga wala pa’y pagtuon nga makapamatuod nga ang CMD inorganic fertilizer ha-um gamitong rehabilitasyon sa mga mining areas tungod kay usa kini ka klase sa soil conditioner nga gamiton sa pag-correct sa acidity sa yuta.

Base sa mga dokumentong nakuha sa Philippine Center for Investigative Journalism (PCIJ), migawas nga ang napalit sa Nano-Platanos Corp. nga “calcium magnesium phosphate (CMP) inorganic fertilizer, iya sa kompanyang Korean Gypsum Inc ug gusto ni Congressman Prospero Pichay nga kuhaon kining tanan og ibalik sa South Korea.

Photo: CTTO

Una nang migawas sa June 22 report ni Kenneth Salvani sa Department of Environment and Natural Resources (DENR) field office nga wala’y nagtunhay nga pagtuon nga ang CMP usa ka alternatibong cover sa residual waste nga mahimong gamiton sa landfill ilabina nga nagkinahanglan pa kini og dugang pagtuon sa ka-epektibo niini diha sa landfill. 

Nasuta pa ang ang maong shipment gikan sa South Korea nakadawat og certification gikan sa Fertilizer and Pesticides Authority (FPA) sa Department of Agriculture (DA), apan ang local field office sa DENR ug si Surigao del Sur Rep. Prospero Pichay Jr., nabalaka sa pag-abot sa maong foreign waste sa ilang lugar ilabina nga dili siya makatugot nga gamiton lang ang ilang lalawigan isip dumping ground sa mga waste materials sa Korea.

Photo: CTTO