BUTUAN CITY – Pasakaan og mga kasong paglapas sa Sections 5 ,11 ug 12 sa Article II sa Republic Act 9165 ang ipasaka batuk sa usa ka high value target nga nadakpan atol sa gilusad nga drug buy-bust operation pasado alas-nueve kagabii sa  Purok 3-A, Brgy 23 Holy Redeemer ning siyudad sa Butuan.

Sa eksklusibong pakighinabi sa Bombo Radyo Butuan, gipadayag ni Philippine Drug Enforcement Agency kon PDEA-Caraga spokesperson Dindo Abellanosa, nakuha gikan sa posisyon sa subject person nga si Wilfred Jañozo, 36-anyos, ang usa ka selyadong transparent plastic sachet sa suspected shabu nga nagkantidad og 500-pesos ug maoy buy-bust item ug laing pito ka selyadong susamang epektos nga mitimbang og 3-gramos ug gibana-banang nagkantidad usab og 20-mil pesos.

Photo: CTTO

Apil pa sa nakuha ang 500-pesos nga marked money, usa ka cell phone nga maol matud pa’y gigamit sa suspek sa iyang mga illegal transactions ingon man mga drug paraphernalia.

Dugang pa ni Abellanosa, usa ang suspek sa mga dagkong players ning siyudad ug padayon pa karong gipanid-an ang ila matud pang gi-organisang  grupo.

Magpadayon gihapon ang ilang  monitoring sa mga drug suspects ilabina sa 38 ka mga barangay ning siyudad nga mao na lama’y wala pa ma-cleared sa ginadiling druga.

-- ADVERTISEMENT --

Giklaro pa niini nga  hangtud duna pa’y illegal drug activities sa usa ka barangay, dili nila kini madeklarang drug cleared.

Nasayrang gihimo ang operasyon sa mga ilang mga sakop uban sa Surigao del Norte Police Provincial Office, Agusan del Norte Police Provincial Office, kapulisan sa Nasipit, Agusan del Norte ug Butuan City Police Station  2.