BUTUAN CITY – Himuong full blown investigation sa kamara ang ilang committee hearing karong adlawa may kalabutan sa nakalusot nga 6.8 bilyones pesos nga kantidad sa shabu sa Bureau of Customs kon BOC.

 

Sa eksklusibong pakighinabi sa Bombo Radyo Butuan, gibutyag ni Cong. Robert Ace Barbers, chairman sa Committee on dangerous drugs sa house of Representative, karung adlawa e-convert nila ang normal committee hearing nga dunay agenda nga revision and ammendments sa Comprehensive dangerous drugs act ngadto sa full blown investigation sa nadiskubrihan sa nakalabay nga semana sa nakalusot nga shabu.

 

-- Advertisement --

Nadiskubrihan kini human ang pagkakumpiska sa 500 kilos nga shabu nga nagkantidad ug 4.3 bilyones pesos nga nakatago sa mga magnetic lifters sa usa ka unclaimed container sa Manila International Container Terminal niadtong Agosto 7.

 

Sumala pa ni Cong. Barbers nga dakong kadaot kini sa kabataan nga mao unya’y magsabwag og kagubot sa nasud hinungdang kinahanglan kining tutukan.

 

Nagtoo usab ang magbabalaod nga wala natulog ang PNP ug PDEA og ang nahitabo, nagpamatood lang nga kulang ang intelligence og information sharing.

 

Nagpakita usab kini nga daghang kadunggoan ang drugas sa atong nasud hinungdang kinahanglang mahimong vigilante ug mabinantayon ang katawhan.

 

Pamugos pa ni Cong. Barbers ang giyera kontra drugas trabaho sa tanan ug dili lang sa kapulisan. (Rolan Janea)