BUTUAN CITY – Wala’y planong ipa-pirate sa pamilyang Godez sa mga dagkong unibersidad sa kauluhan ang silver og gold medalist sa dulang table tennis sa nagpadayong Palarong Pambansa 2017 nga si Althea.

Kini ang giklaro sa iyang amahang si Romulo Godez kasamtangang konsehal sa Brgy. Banza ning siyudad.

-- Advertising --

Base na usab kini sa nakuhang impormasyon nga duna na’y nag-scout sa iyang anak human naka-gold sa table tennis single og naka-silver usab sa table tennis double.

Aminado si Konsehal Romulo nga dakong kalipay nilang pamilya sa kada-ugang nasakmit sa iyang anak ilabina nga grade 6 pa lamang kini.

Gawas nga dili siya gustong malayo kanila ang ilang anak, gusto usab niya nga dalhon sa iyang anak nga tunghaan diin kini nagtungha bisan og dili dili mahalon ilabina nga gusto niyang dalhon ni Althea ang bandila sa Caraga Region.

Aminado usab ang amahan nga pinasahing potensyal ang iyang nakita sa iyang anak hinungdan nga suportado niya kini sa kanunay ilabina sa pagpalit og mga pang-internasyunal nga kagamitan apil na pag-uban kaniya sa apilan nga mga kompetisyon sa bisan asang bahin sa nasud ilabina sa Mindanao.

Nakita usab niya nga kaya niining pildihon bisan ang mga mas taas pa niya og grado, ma-lalaki man o babaye. (Beth Ruiz)