BUTUAN CITY – Natandog samtang nakahilak pa ang ubang audience nga nagtan-aw sa grade 4 pupil sa Macasandig Elementary School sa Brgy. Macasandig, Cagayan de Oro City tungod kay malipayon kining misayaw diha sa entablado taliwa nga wala kini’y walang tiil.

Sa video nga gi-post ni Venus Imelie Tagub residente sa maong barangay, makita ang batang si Trimjun Sabigkis nga malipayong nagsayaw uban sa iyang mga classmates aron ipakita nga bisan sa iyang pagbaton og apan sa tiil, normal gihapon siyang makalihok-lihok ilabina sa paglukso-lukso nga apil sa stepping nila sa sayaw.

-- Advertising --

Sa eksklusibong pakighinabi sa Bombo Radyo Butuan, gipadayag ni Venus nga nakasaksi sa maong sayaw tungod kay performance output kini sa subject nga Physical Education kon PE sa iyang anak nga classnmate ni Sabigkis.

Usa matud pa siya sa mga nakahilak dihang nakita ang pagsayaw sa bata nga laski kaayong misayaw uban sa classmates niyang lalaki.

Wala ma-antos ni Venus ang iyang kaugalingon tungod kay human sa performance sa bata, iya kining giduol ug gipasalamatan sa inspirasyon nga hatud niini ngadto kaniya ug sa uban pang makasaksi sa iyang pagsayaw.

Isip pasalamat sa pagpukaw sa iyang kahuyang sa pag-atubang sa mga problema, tinguha ni Venus nga personal nga tunulan kini og plaque of appreciation ug regaluhan og sapot karong himuon na ang commencement exercises.