BUTUAN CITY – Anaa na sa kostudiya sa Butuan City Police Station 1 si Raymundo Cuenca III human niini gipusil-patay ang maguwang nga si Rae Jane Cuenca-Sobremisana kaganina lang sa ilang panimalay sa may Purok 1, JC Aquino Avenue sakop sa Brgy. New Society Village ning siyudad.

Sa eksklusibong pakighinabi sa Bombo Radyo Butuan, gipadayag sa ilang igsoong si Ryan Cuenca nga wala sila’y alamag nga ingon niini ang buhaton sa iyang igsoon.

Nasayrang gisundo pa nila kaganinang alas-siete sa buntag ang suspek human gidala sa Cabadbaran Emergency Hospital tungod matud pa sa allergy ug ulahi na nilang nasayran nga misulay kini pagkutlo sa iyang kinabuhi kaganinang kaadlawon rason nga gidala sa ospital.

Dihang nabilin sa sulod sa balay ang iyang mga maguwang nga naglalis, misunod na ang usa ka buto sa armas ug dihang iya kining gisusi, nakita na lang niining nagbuy-od ug nagkadugo na ang iyang maguwang nga babaye nga gigakos usab ni Raymundo rason nga midagan na siya palayo.

Gipangita matud pa siya ug didto na siya midangop sa bangko nga sikbit lang sa ilang panimalay aron maluwas ang iyang kaugalingon.

-- Advertisement --