BUTUAN CITY – Hatagan og plaque of recognition sa Department of Public Works and Highways kon DPWH-Central Office ang usa ka job order employee sa DPWH-Caraga kinsa mi-ani og mga pagdayeg tungod sa pag-uli niini sa napalgang 360-mil pesos nga salaping cash.

Photo: CTTO

Madumdumang ning mi-aging Miyerkules, Enero 20, dihang napalgan ni Bernardo ‘Bebot’ de la Cruz, ang bag nga puno sa kwarta diha sa likod nga bahin sa Butuan City Hall samtang nagbiseklita padulong sa merkado gikan nag-duty aron unta magpalit og bugas.

-- Advertising --

Sa eksklusibong pakighinabi sa Bombo Radyo Butuan, gipadayag ni de la Cruz nga gihunungan niya ang bag sa pangindahay nga basin magamit pa niya human gitu-uhang gilabay lang og dako na lang ang iyang kakurat dihang nakita ang tulo ka bundle sa tag-sien milpesos ug lain bundle sa 60-mil pesos.

Photo: CTTO

Aminado siyang naglingi-lingi siya dihang napalgan ang maong bag tungod sa kahadlok nga hayan siya ang pasanginlan kung diin man gikan ang maong salapi.

Photo: CTTO

Dihang nakita sulod sa bag ang pangalan ni Jean Hinayon, supervisor-cashier sa San Isidro Upland Farmers Multipurpose Cooperative (SIUFMULCO) sa Santiago, Agusan del Norte, dinhi na niya kini gi-contact ang Cooperative Development Authority (CDA) ug ang Department of Agrarian Reform (DAR) Caraga Regional Office hangtud nga na-verify nga si Hinayon gyod ang tag-iya sa bag nga gisudlan sa daghang kwarta rason nga na-arrange ang pag-uli niini uban sa ilang mga opisyal sa DPWH-Caraga pagpanguna sa ilang regional director nga si Engr. Pol de los Santos.

Samtang gisaysay usab Connie Calo, information officer sa DPWH-Caraga, daan nang bu-utan ug matinud-anong pagkatawo si Bernardo ‘Bebot’ de la Cruz, kinsa 21 ka tuig nang nagtrabaho sa Department of Public Works and Highways kon DPWH.

Una matud pa kining nag-gwardiya sa ilang ahensya ug dihang nagpatuman og rationalization program kondiin giwala na ang gwardiya, ila nang gi-absorb si de la Cruz bisan og job order pa gihapon kini.

Plano nga hatagan ni Director de los Santos og reward nga kwarta si de la Cruz samtang plaque of recognition usab ang ihatag sa ilang sentrong buhatan human gipa-abot kanila ang dalaygong gihimo niini.