BUTUAN CITY- Gibutyag sa Department of Health Center for Health Caraga nga target nilang maka-bakuna og dili mo ubos sa 460,408 individuals atol sa tulo ka adlaw nga National Covid-19 Vaccination kon “Bayanihan, Bakunahan” Day program nga magsugod sa Nov. 29 hantod Dec. 1.

Sumala kang DOH CHD Caraga Epidemiologist Dr. Gerna Manatad, target nilang makabakuna sa usa ka adlaw sa maong programa og anaa sa 153,601 ka mga indibidwal diin prayoridad ang kadtong wala pa nakadawat sa bakuna.

Sigon ni Dr. Manatad kung maabot ang target nga ihap sa usa ka adlaw ug adunay igon personahe o kapasidad ang mga LUGs, mamahimo usab silang magpahigayon og COVID-19 boosters shotS alang sa mga naka-han-ay nilang unang makadawat niini.

Dinhi sa Butuan City target nga mahatagan og booster shots ang mga fully vaccinated frontline health care workers nga nadawat ang ilang bakuna sa nakalabay nga unom ka buwan.

Base usab sa datos sa DOH-Caraga as of November 23, nasutang anaa na sa kinatibuk-ang 773,485 ka mga indibidwal ang nabakunahan na sa intero caraga.

-- ADVERTISEMENT --