BUTUAN CITY- Miresulta sa kamatayon sa duha ka rebelde ang nahitabong engkuwentro kagahapong adlawa sa may Bayugan City, Agusan Del Sur.

Nasayran nga milusad ang 401st Infantry “Unite N’ Fight” Brigade sa 4th Infantry “Diamond” Division, Philippine Army nga gilangkuban sa 3rd Special Forces Battalion, 75th Infantry Battalion ug 41st Division Reconnaissance Company og simultaneous Focused Military Operations (FMO) batuk sa mga elemento sa Regional Operational Command (ROC) nga gipangunahan ni Edilberto Dabal alyas Bong/Waco ug Regional Sentro de Grabidad (RSDG) gidumala ni Judel Vertudazo alyas Janjalani/ Jerby sa Northeastern Regional Committee (NEMRC) sa bisinidad P-4, Brgy Villa Undayon, Bayugan City, Agusan Del Sur.

Pasado alas 12:05 sa udtu sa dihang ang 3SFBn troopers naka-engkuwentro ang dili moubos sa 40 ka CPP-NPA Terrorists (CNTs) diin milungtad sa 45 minutos hangtud nga misibat ang walhong grupo sa kasadpang direksiyon apan nasakpan sa 41st Division Reconnaissance Company rasong miulbo na usab ang 5 minutos nga panag-agbat og mi-eskapo ang mga rebelde sa habagatang sidlakan nga direksiyon diin atua usab ang tropa sa 3SFBn rasong muabot sa 30 minutos na usab ang engkuwentro.

Ang nasangpit nga mga pagbinayloay ug bala miresulta sa kamatayon sa duha ka rebelde nga nailang sila alyas Joseph ug alyas Kaykay, parehong miyembro sa RSDG ug narekober ang duha ka high powered firearms, mga bala, 2 ka commercial radios, usa ka detonating switch, 45 metros nga detonating cord, 200 metros nga firing wire, usa ka pipe bomb (IED), 7 ka improvised firing device, usa ka portable generator, mga medical nga gamit, 5 ka cellphones (keypad), blasting cap ug backpacks nga dunay personal nga kagamitan. Nagkatag usab ang lama sa dugo sa encounter sites atol sa clearing operations gikan sa gitoohang samarong mga rebelde.

Gipaningkamutan usab ning sibyahan nga makuha ang kabahinan sa 401st infantry brigade philippine army ilabina sa taho nga dunay sundalong napatay sa maong engkuwentro apan nagdumili pa sa pagkumpirma si CMO Officer: CPT LINLEY MARL M DAJAO (INF) PA sa rasong ila pa kining kumpirmahon.  

-- ADVERTISEMENT --

Nasayran nga ang Brgy Villa Undayon mao ang usa sa benipisyaryong barangays sa Barangay Development Program sa National Task Force to End Local Communist Armed Conflict (NTF-ELCAC). Ang mga residente niini ang mitaho sa otoridad kalabot sa presensiya sa dakong ihap sa mga rebelde nga temporaryong nag-kampo dool sa maong lugar rasong gilusad ang maong operasyon.