BUTUAN CITY- Giklaro sa kapulisan sa Cabadbaran City nga bugtong murder case lamang ang ilang gigunitan kansa napasaka na usab batok sa ilang duha ka personnel nga gika-ingong mipusil-patay sa usa ka mananagat atol sa ilang gilusad nga sea borne patrol ning mi-aging mga buwan.

Sumala ni PLt. Col.Renel Serrano, Chief of Police sa Cabadbaran City Police Station sa eksklusibong pakighinabi sa Bombo Radyo Butuan, nag-file na og administrative complaint ang PNP Maritime Unit batuk sa duha nila ka mga sakop nga sila P/SMSgt. Rezil Bati-on ug Patrolman Ariel Jay Panes kinsa maoy nakapusil patay sa mangingisdang gitu-uhan nilang mibunot og armas dayong surender sa ilang buhatan.

-- Advertising --

Sigon sa opisyal, napasaka na ang kasong murder batok sa duha human girekomenda sa piskaliya.

Apan ning mi-aging semana lang, nag-execute ang complainant og affidavit of desistance nga buot pasabot nga mi-atras sila sa kaso nga gipasaka batok sa duha ka Maritime personnel human matud pa nagpagawas og order ang korte nga i-release na sila hinungdan nga gawasnon na sila.

Una na nga nasayrang girekomenda na usab sa Internal Affairs Services kon IAS kang PNP Chief P/ Gen. Guellermo Eleazar nga palagputon sa serbisyo ang duha ka pulis nga mipusil- patay sa mananagat.

Sumala ni PNP IAS Inspector General Atty. Alfregar Triambulo , guilty sa administrative case nga grave misconduct ang duha ka pulis.

Madumduman nga nagpatrolya ang duha nga pulis sakop sa Maritime pulis og nasigpatan ang grupo sa mga mananagat, apan imbes nga mohunong daling gipadagan sa mga mananagat ang gisakyan nga motorbangka, hinundan nga gipusil sa mga nahisgutang pulis nga dili matud pa mere negligence sanglit intensyonal ang pagpusil sa biktima.