BUTUAN CITY- Nagpasidaan ang Department of Health Caraga ngadto sa publiko sa posibleng pagsaka sa mga dugang kaso sa rehiyon sa panahon sa kapaskuhan.

Sumala sa DOH-Caraga ang long weekends ug human sa kasaulogan sa Pasko, ang sagad bantayan  nga mga hinungdan tungod kay og magpakampante ang katawhan, sigurado matod pa subling mosaka ang kaso sa COVID 19 sa rehiyon.

Gihimo sa buhatan sa ang pamahayag taliwala  sa natalang ubos na nga ihap sa mga nadugang kaso sa rehiyon sa nakalabay nga adlaw.

Una niini nataho nga  misaka na sa 63 porsyento ang bakante o available nga Covid ward beds sa entiro rehiyon Caraga samtang anaa na sa 49% ang bakanteng isolation beds.

Nagpasabot nga dili na kaayo puno ang mga ospital sa managlahing bahin sa rehiyon. Basi sa datos sa DOH Caraga, 93% ang nakarekober sa kinatibuk-ang ihap  COVID19 cases sa rehiyon diin kini na ang pinakataas nga rocovery rate sa sukad miigo ang  COVID-19 niadtong nakalabay nga tuig samtang 3.4% na lamang ang mga aktibong kaso. 

-- ADVERTISEMENT --

As of  kagahapong adalwa October 26 , dunay 15 lamang ka mga bag-ong kaso sa Covid-19 ang nadugang sa listahan sa mga natakboyan sa entiro rehiyon.

Taliwala niini padayong nanawagan ang  DOH Caraga sa katawhang nga sundon ang minimum health standards ug magpabakuna. 

Gihatagan usab og duot ni Cheryl Mary Pareja sa DOH Caraga, walay laing paagi para malikay matakbuyan sa COVID 19, kundi mao lang ang pagsunod sa minimum health protocols dungan sa  pag awhag sa katawhan nga disiplanahon ang kaugalingon ug musunod sa panawagan sa  gobyerno.