BUTUAN CITY – Kontrolado na karon sa Department of Health ang mga kaso sa dengue dinhi sa Caraga Region tungod kay nag-concentrate man ang mga local government units sa mga lugar nga taas ang kaso niini kon gikonsidera nga mga hotspots.
Sa eksklusibong pakighinabi sa Bombo Radyo Butuan, gipadayag ni Dr. Ernesto Pareja, medical officer IV sa Department of Health kon DOH-Caraga nga mismong ang mga barangay officials na ang nanguna sa 4S strategy kontra dengue aron masigurong dili na musaka pa ang mga kaso sa makamatay nga dengue fever.
Nasayrang gikan sa 265 ka mga kaso ning mi-aging tuig 2021, karon anaa sa kapin 2-mil ang kaso sa dengue dinhi sa Caraga karong tuiga.
Apan bisan pa sa matalang tag-duha ka kaso sa dengue kada-adlaw, wala matud pa’y angayang kabalak-an tungod kay ang Caraga dili sama sa ubang rehiyon nga nagpabiling taas ang kaso tungod kay dinhi sa rehiyon, kontrolado naman kini.
