BUTUAN CITY- Gikonsidera mismo ni PSSgt. Bernard Amora nga talagsanon lamang ang iyang nakuhaan og video sa kasadpang bahin niNg siydad partikular sa  kagahapon sa alas 5:30 sa hapon.

Sa eksklusibong pakighinabi sa Bombo Radyo Butuan,  gibutyag niini nga nakakurat na lamang siya saiyang nakita nga porma sa daw usa ka pultahan nga anaa ibabaw sa panganod kansa na-reflect gilayon niya kini sa iyang damgo nga duha na ka adlaw nang nagbalik-balik.

-- Advertising --

Nagtuo siyang tima-ilhan  kini nga nagkaduol na ang pagbalik ni Hisu Kristo dinhi sa kalibutan tungod kay kung tutukan matud pa og maayo ang nakuha niyang video susama nga usa ka pultahan kini diha sa langit.

Nagpasabot usab kini nga buhi ang Diyos ug nabanhaw gyud kini alang sa iyang mga anak.

Dugang pa sa opisyal, kini na pahinumdom ngadto sa katawhan nga kinahanglan na nga hinay-hinay nang mubalik diha sa Ginoo.

Iya kining gi-post aron magsilbing inspirasyon sa mga makakita niini.