BUTUAN CITY – Andam na ang Commission on Elections kon COMELEC-Butuan alang sa filing na sa Certificate of Candidacy kon COC karong Oktbre 1 hangtud 8 alang sa mga mudagan sa local positions dinhi sa siyudad alang sa May 2022 local elections.

Sa eksklusibong pakighinabi sa Bombo Radyo Butuan, gipadayag ni Butuan City election officer Atty. Samuel Rollo nga gi-andam na usab nila ang ilang buhatan aron feasible kini sa pagdawat sa mga musubmite og COC nga magsunod gihapon sa mga  health protocols.

-- Advertising --

Giklaro sa opisyal nga bukas ang ilang buhatan sa tanang gusto nang mag-file sa ilang COC kondiin ang matag-kandidato tugutan nga makadala og usa lang ka ka-uban sukwahi kaniadto nga mahimong musulod sa ilang buhatan ang mga gustong mu-escort sa mukandidato.

Sa mismong adlaw sa pagsugod sa COC filing, mu-tap usab sila sa kapulisan aron dua’y mutabang pagbantay sa mga mulapas unya sa health protocols ug alang na usab sa police visibility.

Mipasalig si Atty. Rollo nga bisan og mag-file ang mga mukandidato sa tunga lang sa adlaw, kaya nila kining ma-accommodate bisan og mu-abot pa sa napulo ang magduso sa ilang COC.

Kini unya ang unang higayon nga adaptahon nila ang COCO filing ubos sa new normal rason nga ang mga gustong mag-file og COC apan COVID-19 positive, mahimo silang mag-file pinaagi sa ilang otorisadong representante bitbit ang iyang Special Power of Attorney ug COC form.

Samtang ang mga mag-file og COC nga mulapas sa ilang gitakdang 37.5 nga body temperature, dili kini padayunon ug tambagang mag-file pinaagi sa iyang representante aron malikayan ang pag-lockdown sa ilang buhatan.