BUTUAN CITY – Kung kaniadto kaduha ka adlaw lang kada-semana, karon katulo ka adlaw nang magamit sa mga Butuanon ang color coded nga mga home quarantine pass karong entiro buwan sa Disyembre.

Nakalatid sa gipagawas nga Executive Order Number 55 ni Mayor Ronnie Vicente Lagnada nga ang mga nagkupot og kolor itom nga quarantine pass, makagawas na matag Lunes, Huwebes, ug Sabado.

-- Advertising --

Samtang ang mga nagkupot og kolor blue nga quarantine pass makagawas matag-Martes, Biyernes, ug Domingo ug kadtong nagkupot sa kolor pula,  makagawas matag-Lunes, Miyerkules, ug Sabado.

Samtang ang mga senior citizens usab, mga mabdos, ug mga Persons with Disability (PWD) makagawas matag-Miyerkules ug Domingo nga pwedeng aduna’y usa ka ka-uban nga naay home quarantine pass.

Samtang ang curfew hour usab, gilugwayan na gikan sa alas-dose sa tungang gabii hangtud na sa alas kuwatro sa kaadlawon.

Gihimo na karong mandatory ang pagsuot og face shield kung mogawas sa panimalay uban sa pagsuot og face mask.