BUTUAN CITY – Hatagan ug pag-ila sa Police Regional Office-Caraga ug PRO-ARMM ang napatay’ng pulis sa Marawi City nga si P/Sr. Insp. Freddie Manuel Solar.

Sigon ni P/Supt. Martin Gamba-regional information officer sa PRO-13, dunay gi-andam nga pag-ila ang PRO-ARMM diin na-destino ang maong pulis sa pakig-alayon na usab sa PRO-Caraga diin kini kasamtangang nanimuyo.

Nasayrang gipahiluna ang patay’ng lawas karun sa nasangpit nga pulis sa iyang pamilya nga anaa sa Mabua, Surigao Del Norte. Pagbutyag pa ni Gamba, mag-agad lang ang pamilya ni Solar kung asa ilubong ang patay’ng lawas niini.

Apan gipaneguro sa opisyal nga nakasuporta ang kapulisan lakip na ang alumni sa Philippine National Police Academy batch 2007.

Lakip sa gipaneguro ni Gamba ang benipisyo nga madawat sa nahabiling pamilya ug burial honor sa mga pulis nga napatay tungod sa pagtuman sa ilang trabaho. (Rolan Janea)

-- ADVERTISEMENT --