BUTUAN CITY – Milansang na sa 5,841 ang kinatibuk-ang ihap sa mga nataptan sa COVID-19 sa Caraga Region.

Sumala sa Department of Health-Center for Health Development kon DOH CHD-Caraga, nadungagan og 54 ang total sa coronavirus cases ang rehiyon nga gilangkuban 26 ka mga lalake ug 28 ka mga babae diin 5-anyos ang pinakabata ug 72-anyos ang pinaka-edaran.

-- Advertising --


Ang Surigao del Norte ang nanguna karon sa listahan sa mga lugar nga dunay pinakataas nga numero sa new cases nga miabot sa 15. Misunod ang Agusan del Sur -12, Butuan City -10, Tandag City-8,Bislig City-2,Surigao del Sur-2, Surigao City-2, ug tag-usa sa Agusan del Norte ug Cabadbaran City.


Sa bag-ong mga kaso 42 ang asymptomatic,11 ang mild, ug usa ka severe ug anaa pa sa 717 ang ihap sa active cases o mga nagpaayo samtang 4,870 na ang kinatibuk-ang ihap sa recoveries human madungangan og 40 nga bag-ong nimaayo. Samtang nagpabilin sa 254 ang total deaths.