BUTUAN CITY – Nakatala na usab og 47 ka mga bag-ong variants of concern sa COVID-19 ang Caraga Region karong adlawa kondiin sa Delta variants lang, mi-abot na sa 26 nga gisundan sa tag-walo ka mga kaso sa Alpha ug Beta variants samtang lima ang P.3 variant.

Tungod niini, sa kinatibuk-ang variant cases ning rehiyon , nakatala na og 47 ka mga kaso ang Alpha variant,  90 sa Beta variant, 93 sa Delta variant og 26 ka P.3 variant.

Sa maong ihap,  wala na’y aktibong kaso human nga mi-abot na sa 230 ang nakarekober ug 26 na ang mga namatay.

As of karong adlawa, ang dakbayan sa Butuan maoy duna’y pinakadaghang kaso nga mi-abot sa 44 kansa gilangkuban sa 17 ka mga Alpha variants, 10 ka Beta, 5 ka Delta ug 12 ka P.3 variants uban sa Surigao del Sur nga nakatala usab og 44.

Gisundan kini sa Agusan del Sur nga duna’y 37; Surigao City -30; Agusan del Norte-29, Dinagat Island Province-24; samtang 14 sa Bislig City; 11 sa Tandag City; 9 sa Surigao del Norte ug tag-pito ka mga kaso sa Bayugan City ug Cabadbaran City.

-- ADVERTISEMENT --