BUTUAN CITY – Milansang na sa 5,060 ang kintibuk-ang ihap sa mga nataptan sa COVID-19 sa Caraga Region human nadungagan og 48 ka mga bag-ong kaso kagahapong adlawa samtang usa usab ang natalang patay.


Tungod sa maong bag-ong patay anaa na sa 225 ang total deaths sa rehiyon samtang 558 pa ang mga aktibong kaso ug 4,277 ang mga nimaayo na.

-- Advertising --


Sumala sa Center for Health Development Caraga, gilangkuban ang 48 ka mga bag-ong kaso 31 ka mga babae ug 17 ang mga lalaki diin 17-anyos ang pinakabata ug 73-anyos ang pinaka-eadaran.


Sa bag-ong ihap, pinakadaghan ang narehistro sa Surigao del Sur nga dunay 19 kansa nabahin sa Lungsod sa Carrascal nga duna’y 8, Madrid- 3, tag duha sa Lianga ug Tago samtang tag usa sa BArobo, Carmen, Lanuza ug San Agustin.


Gisundan kini sa Bayugan City nga dunay 9 kansa nabahin sa Brgy. Poblacion-5, Santa Teresita-3 ug Noli-1.
Mitala usab og 6 ka kaso ang Butuan City nga nabahin sa Barangay Ampayon ug Baan KM3 nga dunay tag-duha ug tag-usa sa Bayanihan ug Villa Kananga.


Mitala usab og 4 ka kaso ang Agusan del Norte nga nabahin sa Santiago-2, samtang tag-usa sa Buenavista ug Nasipit ug upat usab ka kaso sa Surigao del Norte nga nabahin sa lungsod sa Placer-2, tag-usa dayon sa Gen. Luna ug San Benito.

Duna usa’y 3 ka kaso gikan sa Tandag City diin 2 sa San Agustin ug 1 sa Bagong Lungsod samtang duha ka kaso ang natala sa Barangay Washington sa Surigao City ug usa ka kaso sa San Francisco, Agusan del Sur.


Sa maong ihap, 21 ang asymptomatic, 26 ang Mild ug 1 ang severe.


Usa usab ka 56 anyos nga babae ang bugtong casulaty nga natahong gikan sa Tago Surigao del Sur kansa nakasianti og ubos ug lisod sa pagginhawa adtong Enero 1, gidala sa ospital niadtong Enero 6 apan gideklara na kining dead on arrival.