BUTUAN CITY – Mihakot na ug 5 ka bulawang medalya ang Caraga Region sa nagpadayong Palarong Pambansa 2017 sa Antique.

Nadugang karung adlawa ang Gold Medal nga nakuha ni Abigail Jerlyn Abing sa Taekwondo combative secondary girls ug Table Tennis single elementary girls pinaagi ni Althea Biong Budes, grade 6 pupil sa Banza Elementary School sa Barangay Banza ning siyudad sa Butuan kansa nakasakmit usab ug Silver sa Table Tennis double.

-- Advertising --

Samtang dunay 11 ka silver ug 12 ka bronze na usab ang natigum sa rehiyon.

Sigon ni Elizalde Bernales, regional information officer sa Department of Education kon DedEd-Caraga, madugangan pa ang maong ihap sa medalya tungod kay dunay gi-atangan pang individual games nga posibling makuha sa Caraga.

Gawas pa kini sa basketball secondary boys nga dunay 4 ka daug ug 1 lang ang pildi samtang sa elementary girls wala pay pildi sa 3 ka mga dula.

Gibutyag usab ni Bernales nga madawat gelayon sa mga nakakuha ug Gold Medal ang cash incentives nga 30-mil pesos gikan sa DepEd-Caraga.

Sa karun, naghinay-hinay na sa paghipos ang delegado sa Caraga tungod kay unyang alas 6:00 sa hapon o human sa panihapon, molarga na silang tanan paulis sa Caraga.

Alayon niini, nagpasalamat nalang si Bernales sa tanang stakeholders, supporters, sa mga ginikanan ug ilabina sa Bombo Radyo nga mihatag ug kahigayunan nga mapasibaw ang nahimong dagan sa Palarong Pambansa 2017 sa probinsiya sa Antique.