BUTUAN CITY – Sigon ni Atty. Ferdausi Cerna sa Office of the Presidential Adviser for IP Concerns, sa eksklusibong pakighinabi sa Bombo Radyo, ning mi-aging semana pa gitudlo ni Pangulong Rodrigo Duterte si Capuyan isip chairman sa NCIP ug niadtong Lunes usab kini nanumpa.

Dugang ni Cerna, si Capuyan gikan sa tribong Manobo partikular sa lungsod sa La Paz, Agusan Del Sur og usa ka maayong lider nga duna’y taas nga simpatiya og kasing-kasing alang sa tribo.

Apan bisan paman niini, nahibalo si Atty. Cerna nga duna gihapo’y mga tawong dili ganahi kaniyang maoy mudumala sa NCIP kansa ila matud pang katungod.

Sigon ni Atty. Cerna, human sa katudluan ni Capuyan, pursigido kining buhaton ang iyang trabaho alang sa mga lumad dili lang sa Agusan del Sur kondili sa tibuok Pilipinas.

Giklaro pa niini nga ang grupong Mindanao Indigenous Peoples Council of Elders and Leaders kon MIPCEL, hugot nga misuporta kang Capuyan ug gani sila ang mi-alkontra sa grupo nga supak sa iyang gihuptang posisyon.

-- ADVERTISEMENT --

Gipadayag pa niini nga katungod nila ang mubabag sa maong appointment apan kinahanglan nila kining ipaagi sa proseso og magpadala sila ug sulat kang Pangulong Rodrigo Duterte tungod kay kini lang ang bugtong makabawi sa maong appointment og dili ipaagi sa social media.