BUTUAN CITY – Gikatakda pang ipagawas sa lokal nga kagamhanan ning siyudad sa Butuan ang bag-ong executive order human nga gipa-ilalom gihapon sa National Inter-Agency Task Force kon IATF ang siyudad sa General Community Quarantine kon GCQ with heightened restrictions sugod karong adlawa hangtud sa Oktubre 31.

Sa eksklusibong pakighinabi sa Bombo Radyo Butuan, gipadayag ni Butuan City government spokesman Michiko de Jesus nga apil sa seguradong ipatuman pa gihapon ang color-coded quarantine pass rason nga limitado lang gihapon ang paggawas sa mga Butuanon sa ilang panimalay tungod kay kinahanglan man nilang sundon ang adlaw sa ilang tinggawas.

Lakip sa ipadayon pagpatuman ang pagpangita sa mga travel requirements niadtong mga anaa gawas sa Caraga Region ug gustong musulod ning siyudad sama sa negative result sa RT-PCR test o kaha vaccination card.  

Samtang ang 76 ka mga barangay nga gipa-ilalom ning mi-aging 14 ka mga adlaw sa Modified Enhanced Community Quarantine kon MECQ nga natapos kagahapong adlawa, ilalom na usab sa GCQ with heightened  restrictions  karong adlawa o kaha hangtud nga duna na’y  ipagawas nga lain na usab nga community quarantine status ang Incident Management Team kon IMT.

-- ADVERTISEMENT --