BUTUAN CITY-Ipailalom na sugod karung adlawa hangtod sa Agusto 15 sa General Community Quarantine kon GCQ with hightened restrictions ang dakbayan sa Butuan.

Sa eksklusibong pakighinabi sa Bombo Radyo Butuan kang Michiko de Jesus ang tigpamaba sa LGU-Butuan gibutyag niini nga nagpagawas na og Executive order No. 36 si Mayor Ronnie Vicente Lagnada alang sa mga guidelines nga angay sundon sulod sa 15 ka mga adlaw nga GCQ with Heightened Restrictions.

-- Advertising --

Hinungdan nga padayon gihapon nga ipatuman ang color-coded qaurantine pass nga katulo sa usa ka semana; Liquor ban nga magsugod sa alas 5 sa hapon hangtod sa alas 5 usab sa sayong bunta; ingun man ang pag obserba sa curfew hours nga gikan alas 12 sa tungang gabii habgtod sa alas 4 sa buntag.

Samtang gitugutan lamang sa 20% ang mga inside dining sa mga kan-anan ug 50% alang sa mga outdoor dining ug 100% alang sa take-out o delivery.

Ug bisan ilalom na sa GCQ ang syudad wala gihapon gitugutan ang mga mass gathering gawas lamang sa mga government services ug health activities.

Samtang ang mga byahedor nga gikan sa kauluhan nga mupauli sa Butuan kinahanglan lamang nga mag presenta og negatibong resulta sa RT-PCR Test or Rapid Antigen .

Pwede usab gamiton ang Domestic Vaccination Card kung fully vaccinated na .

Tungod niini padayon gihapon nga gipainumdom sa mga opisyales ning syudad nga perming sundon ang gikantar nga health protocols sama na lamang sa saktong pagsuot s afacemask, faceshield, perming paghugas sa kamot ug social distancing