BUTUAN CITY – Mixed emotions an mga pulis sa Sultan Kudarat human nga nanganak sa mismo nilang patrol car ang usa ka ginang nga ilang gikarga human gidakop tungod sa ilegal nga sugal didto sa Purok 2, Brgy. Bayawak, lungsod sa President Quirino.

Sigon ni P/Executive master Sargeant Edgat Galande Mespo sa President Quirino Municipal Police Station, samtang anaa sa kustodiya sa mga otoridad ang buntis, nananghid kining mag-CR tungod sa kalit nga pagsakit sa iyang tiyan. 

-- Advertising --

Aminado kining bisan unsang orasa karong buwana siya manganak.

Dihang mireklamong sakit na ang tiyan, dali kining gipabalik sa mga pulis sa patrol car aron unta dalhon sa ospital apan dihang nagbiyahe pa lang sila, wala na mapugngi sa suspek ang paggawas sa iyang himsog nga anak nga baby girl rason nga nagkapuliki og atiman kaniya ang mga pulis nga ug dali silang gidala sa sa hospital. 

Giklaro sa opisyal nga bisan pa man sa maong hitabo, dili pa gihapon abswelto ang wala pa panganling gikan, tungod kay padayon gihapon ang pag-atubang niya sa kasong illegal gambling higayong hingpit na kining mumaayo.