BUTUAN CITY – Mi-abot na sa national highway sa Brgy. Lemon ang tubig-baha human ang pila ka oras nang pag-ulan sukad pa kagahapong adlawa.

Bisan pa man, duna pa gihapo’y mga sakyanang nangagi ilabina niadtong dili pa ma-abot sa tubig-baha ang makina sa ilang sakyanan.

-- Advertising --

Mala-umon ang mga residente sa maong lugar nga mulurang na ang ulan aron dili dili na mutaas pa ang level sa tubig-baha nga gila-umang maka-apekto usab sa mga motorista.

Samtang sa sentrong bahin ning siyudad, sukwahi sa mi-aging mga tuig nga dali rang bahaon bisan og mulungtad lang og usa ka oras ang ulan, ning panahuna wala kaayo maka-apekto ang ulan tungod sa dagkong drainage canal nga gimontar sukad pa ning mi-aging mga tuig samtangh padayon pang gi-construct usab ang uban.

Apan duna usa’y ubang portion sa siyudad nga nabahaan na apil na ang Capitol Drive, Brgy. Villa Kananga ug uban pa.