BUTUAN CITY – Nakakolekta na og kapin sa 23-milyunes pesos ang lokal nga kagamhanan ning siyudad sa Butuan gikan sa renewal ug paglukat og business permit.

Photo: CTTO

Kini nga koleksyon, kutob lang niadtong Enero 10 human gisugdan ang Business One Stop Shop kon BOSS sa may Robinson’s Place niadtong Enero 2 ug sa maong kantidad, kapin sa 4,000 na usab ka mga establisamento ang naka-renew sa ilang mga business permits ug 303 ang mga nakakuha na og permit alang sa ilang bag-ong negosyo.

-- Advertising --
Photo: CTTO

Tumong sa BOSS nga dili na mahasol ang mga negosyante paghikay sa ilang mga papeles tungod kay ang tanang government offices nga ilang dalikyatan aron pangayuan usab og mga dokumento, gi-usa ra man sulod sa mall pinaagi sa gipadala nilang mga personahe.

Photo: CTTO

Gipahibalo usab sa Business Permits and Licenses Division kon BPLD nga hangtud February 28 lang ang paglukat ug pag-renew sa business permit kondiin wala pa’y penalty nga bayaran ilabina kadtong mi-expire na ang ilang permit.