BUTUAN CITY- Nagmalampuson ang gipahigayong bayanihan bakunahan sa probinsya sa Dinagat Island human nga milapas sa 100% ang nabakunahan sa unang adlaw gikan sa target nga gihatag sa DOH-Caraga.

Miabot sa 4,328 ka tao ang nagpabakuna, nga buot pasabot nga nakab-ot ang quota nga 4,000 kada adlaw. Pinakadaghan nga nagpabakuna sa lungsod sa Libjo nga miabot sa 1,094 bisan og 600 lamang ang ilang target.

Apan sa ikaduhang adlaw, medyu miubos ang ihap sa mga nagpabakuna nga miabot na lang sa 3,053 hinungdan nga sa kinatibuk-an sulod sa duha ka adlaw miabot sa 7,381 ang nabakunahan sa Bayanihan Bakunahan.

Una na nga gitaho sa Dinagat Islands Provincial Health Office (PHO) nga sukad nga gipatuman ang vaccination batok sa Covid-19 diin walay nahitabong adverse effect sa mga nabakunahan.

Pahinumdom sa PHO, nga importanteng magpabakuna aron makab-ot ang herd immunity sa probinsya.

-- ADVERTISEMENT --

Tungod niini padayong giawhag sa kadumalahan sa Dinagat Island ang matag LGU nga kung ang 50% population sa ilang lungsod diin bakunado na, tugutan na nga makabyahe ang mga residente pagawas ug pabalik sa isla bisan og dili na muagi sa RT-PCR Test nga usa sa mga requirements adesir tugutang makabyahe.