BUTUAN CITY – Gideklarang persona non-grata sa usa ka grupo sa mga Indigenous Cultural Communities/Indigenous Peoples kon ICC/IP gikan sa Surigao del Sur si Bayan Muna party-list Representative Eufemia Cullamat human ang ilang pagpagawas og hini-usang resolusyon nga nanawagan usab alang sa pagpalagpot kaniya sa pwesto. 

Gi-anunsyo sa Provincial Tribal Council kon PTC nga gilangkuban sa mga tribung Manobo, Mandaya ug Mamanwa ICC/IP atol sa gi-tag nga virtual media briefing sa National Task Force to End Local Communist Armed Conflict nga aprubado na ang Septembre 2 nga resolusyong gi-isyu sa Lianga, Surigao del Sur, nga mikondena kang Cullamat dayong deklara kaniyang persona non grata sa ilang mga ancestral domains. 

-- Advertising --

Sigon ni Datu Rico Maca, ang Municipal Indigenous Peoples Mandatory Representative sa lungsod sa San Miguel ug kanhi municipal tribal chieftain, mi-abot sa 126 ka mga IP tribes sa tibuok nasud ang misuporta sa resolusyon kansa nagdeklarang dili welcome sa ilang ancestral domain si Cullamat tungod kay siya matud pa ang hulga sa kaugmaon sa ilang kabatan-unan.

Iyang gidugang nga ubay-ubay na nga mga tribal leaders ug membro sa ilang mga tribu ang gipamatay apan ang pangitaan lang og hustisya ni Cullamat mao lamang kadtong misuporta sa New People’s Army kon NPA. 

Nakalatid usab sa resolusyon nga gigamit lang ni Cullamat ang iyang posisyon aron makuha ang iyang interest ug ang interest sa Communist Party of the Philippines kon CPP-NPA. 

Photo: CTTO

Sigon sa PTC, dili angayang irekognisa sa Kongreso ang claim ni  Cullamat isip  representante sa ICC/IP of Caraga, particular sa Surigao del Sur ug i-disqualify siya. 

Ang maong resolusyon nagdeklara usab sa ilang hugot nga suporta ngadto nila National Commission on Indigenous Peoples Chair, Secretary Allen Capuyan ug Regional Director Atty. Marlon Bosantog, kinsa maoy naningkamolt og maayo aron ma-promote ang katungod ukg kaayuhan sa mga ICCs/IPs.