BUTUAN CITY – Mi-abot sa 15 ka mga mag-uuma gikan sa Surigao del Norte ug Agusan del Sur ang misalmot sa usa ka semanang Basic Training Course sa Inbred Rice Seed Production and Certification nga gipahigayon sa DA-PhilRice Agusan, kansa gisugdan niadtong Lunes ug matapos karong Biernes.

Gipangunahan ang maong training sa TechnoPUSH study ubos sa Branch Development Initiative project nga nakatutok sa girekomendang mga technologies ug management practices aron mapalambo ang seed supply sa rehiyon. Tumong usab niini nga maka-produce og bag-ong henerasyon sa mga seed growers.

Atol sa opening program, gipakita ni Supervising Science Research Specialist, Dr. Genevive Nemeno ang mga kasabutan sa personal development alang sa mga values ug liderato samtang ang Regional Seed Coordinator sa Department of Agriculture – Caraga nga si Noli  Orog maoy nagpresent sa  overview sa mga rice programs sa nasud ug sa seed industry status ning rehiyon.

Photo: CTTO

Giklaro ni Orog ang papel, mga bentaha ug mga practical methods sa seed production aron  makumbinsi ang mgamas batan-ong mag-uuma pagpadayon sa panguma.

Ning adlawa, gihisgutan sa mga PhilRice specialists ang rice varieties ug ang ilang best cultural practices samtang ang kalabot sa field inspection, sampling, ug testing maoy sunod nga hisgutan sa National Seed Quality Control Services kon NSQCS-Caraga.

-- Advertisement --
Photo: CTTO