BUTUAN CITY – Padayon ang paglusad sa Police Regional Office kon PRO-13 sa Barangayanihan sa nagkada-iyang kabaranggayan ning rehiyon sa Caraga.

Sa eksklusibong pakighinabi sa Bombo Radyo Butuan, gibutyag ni Major Dorothy Tumulak, information officer sa PRO-13 nga mao kini ang PNP version sa community pantry.

-- Advertising --

Apan giklaro niini nga wala pa ma-uso ang community pantry, daan nang naglusad og ingon niini nga kalihukan ang ilang buhatan sukad milingkod sa posisyon si regional director BGeneral Romeo Caramat Jr. niadtong Septembre ning mi-aging tuig.

Kamatu-uran matud pa niini, mi-abot na sa 6,195 ka mga pamilya kon 15,366 ka mga indibdiwal ang nakabenepisyo sa ilang gipangtunol nga ayuda ngadto sa mga nanginahanglan.

Kung kaniadto ilang idungan paghatag ang mga ayuda atol sa kalihukang himuon nila sa mga komunidad apan karon lahi na tungod sa pandemya pinaagi sa pagtumbok sa mga lugar nga angayang tunulan niini.