BUTUAN CITY- Nagpadayon pa ang imbestigasyon sa kapulisan sa pag-ila ug pagtumbok sa motibo sa nahitabong pagpamusil sa usa ka Barangay Kapitan sa P-4 Barangay. 10, Buenavista, Agusan del Norte kagainang alas-11:50 sa udto.


Naila ang biktima nga si Ricky A. Mendribe, 37-anyos, ug residente sa P-4, Brgy. 10, sa maong lungsod.


Sa imbestigasyon , kalit lamang matod pa gisulod sa duhaa naka-bonit nga kalalakin-an ang panimalay sa kapitan ug gipusil kini dayong sibat sa wala matinong direksyon.

Nagpa-alim karon sa usa ka pribadong ospital ning syudad sa Butuan ang maong kapitan human nakahiagom og samad pinusilan sa tuo nga bahin sa paa.